THUNENSIS Lacus Helvetiae

THUNENSIS Lacus Helvetiae
in Argovia, vulgo Thunersee, ab oppid. Thunum, de quo infra. Amoenus admodum, 1. cum dimidio milliar. longus, ad sinistram Uchtlandiam habet, ad dextram Argoviam versus vitiferis collibus praetexitut. In hunc
Brientzensis lacus, iam Arolâ auctus influit; qui inde prope oppidum praefatum, servatô nomine, iterum se evolvit. Uterque magnam piscium vim habet, unde apud Abbatem praecipue Interlacensem, aliquando piscatio tam copiosa est, ut prodigii speciem habeat: sed Brientzensi Thunensis maior est: ex utroque Orientem versus, Alpium perpetuis nivibus albicantium prospectus patet. Lacum hunc Thunensem, Aimoinus de gest. Franc l. 3. c. 86. ita, circa tempora Theoderici et Theodeberti Gall. et Burgund. Regum, internô aestu efferbuisse refert, ut magnam piscium copiam, velut tostam, ripam eiecerit, Stumpf. de Argov. l. 7. c. 21. Ioh. Bapt. Plantinus, Helv. Nov, Ant. etc.

Hofmann J. Lexicon universale. 1698.

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.